ظاهرة التوكتوك

 توجد الان ظاهرة هي ليست وليدة اليوم ولا الأمس هي وليدة سنوات مضت ولكن لم تكن سوءاتها ظهرت بهذا الشكل الملفت للنظر والاصح ان تقول الملفت للسمع الا وهو التوكتوك . التوكتوك عباره عن وسيلة مواصلات تستخدم للاماكن التي لا تصل اليها سيارات النقل العام بداية الموضوع راحه للناس ويفتح بيوت كلامي ليس اساءة لاحد ولكن من باب اللي علي راسه بطحة يحسس عليها عندنا كميه شباب فاضي وعاطل وكل اب فشل في تربية ابنه او تقاعص فيها ومش قادر علي تربيه ابنه الابن يقوم من نومه الساعه ٣ العصر اذا مكنش بيقوم المغرب كل اللي همه فلوس في جيبه علشان يخرج يقعد علي القهوة مع صحبه فاشلة كل اللي شاغلهم ازاي يجيب سيجارة اما سيجاره عاديه او سيجارة غير عادية قعده القهوة دي تمتد لحاد الفجر انا مش بتكلم عن العموم انا بتكلم

عن النموذج دا فقط شاب راجع البيت الساعه ٤ الفجر جسمه تعبان من السهر والشرب والمعاصي وكل شيء وكله انطبع علي ملامح وجهه يرجع البيت ابوه يقابله يشوف غضب ربنا عليه مش يساله صليت ولا لا او كنت فين السؤال اللي هيساله انت هتفضل بدون شغل كده لامتي لكن لا ساله علي صلاه ولا قيم ولا اخلاق لان الشاب دا اصلا من طفولته مش اتريى علي كده ازاي ابوه يطلبها منه دلوقتي كما قيل في الاثر ( وينشأ ناشيء الفتيان فينا علي ما كان عوده ابوه ) . وهنا تدخل الام وتقول للاب هو الواد هيعمل ايه انت شايف ان في شغل ما اللي في سنه قاعدين بدون شغل 

بعد كده الاب يقرر يشتري له توكتوك اهو منه دخل للواد ودخل للبيت ومنه ان الواد يلتهي فيه ومش يطلب مننا مصاريف لكن نجيب منين الفلوس هنا تتدخل الام وتقول نجيب له قرض ونشتري له توكتوك ومن هنا الاب يجيب التوكتوك لابنه . تخيل ابن خرج  من بيت بدون تربية يدون اخلاق بدون قيم بدون اي تعاليم انسانيه قبل ااتعاليم الدينية شاب من اول ١٢ سنه لما فوق راكب وسيله مواصلات كل اللي في حياته ويعرفه سيجارة ومطوه وبنت علي شاكلته يعرفها ومن هنا تبدا المغامرة 

توكتوك لازم يكون مدلع طقم سماعات كأنك قاعد في قاعة افراح تلكس قطار اضاءة كأن كشاف فنار وكل دا وجوه التوكتوك شاب تشوفه تقول مات اربع مرات وصحي . تخيل بكل اللي انا حكيته دا الشيء دا يكون ماشي في الشارع بالاضاءة دي والصوت دا هتكون ايه النتيجة، النتيجه ازعاج سمعي وبصري شيء لا يطاق يمر علي مساجد وعلي مستشفيات وعلي بيوت ولا مبالاه ولا مراعاه لاي شيء طيب هو في وقت مش لقي ناس تركب والشغل مريح وعايز سيجاره يبق المفترض انه يحصل فلوس فيضطر يسرق علشان يجيب سيجارته القصه دي حقيقية 

امراه كبيره في السن ركبت توكتوك ومعها شنط اعطت للسواق ١٠٠ جنيه قال لها ياحجه مفيش فكه انزلي فكي من المحل دا بعد اذنك الست نزلت تفك الفلوس راح اخد حاجات من شنطها واخد الموبايل واكتشفت دا بعد ما مشي . 

طيب ايه الحل في هذه الظاهره ااسيئة 

اولا لكل منا دور المنزل له دور وانا وانت لنا دور 

دور المنزل تربية الابناء علي النهج النبوي والسلوك الطيب الكريم تربية نشأ تكون مخافه الله اهم عنده من تحصيل علم ومال 

ودوري انا وانت انه عندما نجد سائق توكتوك يقوم بتشغيل اغاني لا نركب معه ولو كنا ركابا معه وقام بالتشغيل نوقفه وننزل دا ابسط شيء نعمله ولما سائق التوكتوك يلاقي ان محدش بيركب معاه بسبب السلوك السيء لازم غصب عنه يصلح سلوكه لانه مش معقول هيدور في الشوارع بالتوكتوك علي الفاضي بدون ركاب